गृहमंत्री ताम्रध्वज साहू करिस डौण्डी-मथेना म ग्राम सुरक्षा समिति सभागृह के लोकार्पण

अंजोर.बालोद। प्रदेश के गृह अउ लोक निर्माण मंत्री ताम्रध्वज साहू ह आज बालोद जिला के डौण्डी विकासखण्ड के ग्राम मथेना पहुंचिन। मथेना म ओमन नवा बने ग्राम सुरक्षा समिति सभागृह के लोकार्पण करत गांव वाले मनला बधाई अउ शुभकामना दीस।

ये मउका म श्री साहू ह ग्रामीण मनके मांग म ग्राम मथेना म महात्मा गांधी राष्ट्रीय ग्रामीण रोजगार गारंटी योजना के तहत तालाब निर्माण अउ कर्मा भवन खातिर पांच लाख रूपिया स्वीकृत करिन। शीतला मंदिर निर्माण खातिर पांच लाख रूपिया अउ मितानीन मन बर कुर्सी टेबल खरीदे खातिर बीस हजार रूपिया के स्वीकृति दीस। मंत्री श्री साहू संग ये कार्यक्रम म गांव वाले मनके अलावा कलेक्टर जनमेजय महोबे, पुलिस अधीक्षक जितेन्द्र सिंह मीणा, पूर्व विधायक डोमेन्द्र भेंडिया, जिला पंचायत उपाध्यक्ष मिथिलेश निरोटी, जिला पंचायत सदस्य श्रीमती चन्द्रप्रभा सुधाकर सहित आन जनप्रतिनिधि मन जुरियाए रिहिन।