नशा के विरूद्ध पुलिस के सरलग अभियान म एक अऊ आरोपी 5 लाख के चरस साथ पकड़ईस

अंजोर.रायपुर। छत्तीसगढ़ पुलिस सरलग नशा के कारोबार करइया मनके खिलाफ कार्रवाई करत हाबे। अऊ अब तक कई बड़का स्मगलर पुलिस के हत्था चड़के जेल पहुंच चुके हावय। एजेंसी ले मिले आरो के मुताबिक आज रायपुर पुलिस ल एक अऊ बड़का सफलता मिलिस। नशा के कारोबार करइया मोहम्मद रियाज खोखर के तिर ले 5 लाख के चरस बरामद होए हाबे। सोनडोंगरी निवासी आरोपी ल थाना कबीर नगर रायपुर हीरासत म लेके आगू के कार्यवाही करत हाबे।