Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

घरे म मनाये जाही छठ पूजा कोरोना ल देखत प्रशासन ह जारी करिस दिशा निर्देश


अंजोर.सूरजपुर। कोरोना काल म सबो तिहार बर प्रशासन कोति ले परब ल मनाये के दिशा निर्देश जारी होथे। उत्तर भारत म प्रमुख रूप ले मनाये जाने वाला छठ परब ल मनाये खातिर तको सरगुजा कलेक्टर कोति ले दिशा निर्देश जारी करे गे हावय। छत्तीसगढ़ म तको गजब उत्तर भारत के संस्कृति ल मानने वाला हाबे जेमन तरिया नदिया म छठ परब मनाये बर जाथे।

राज्य शासन के निर्देश के अनुसार एसो छठ पूजा घर म ही कराये बर परही। एजेंसी ले मिले आरो के मुताबिक जिला म 6 नवम्बर 2020 तक के स्थिति म 3487 कोरोना वायरस के पॉजिटिव मरीज के पहचान हो चुके हाबे अउ रोज लगभग 30 ले 40 कोरोना पॉजिटिव मरीज मिलत हाबे। कोरोना पॉजिटिव प्रकरण के लगातार बड़ोतरी ल देखत छठ पूजा के आयोजन संबंधी निर्देश जारी करे गे हावय के आम नागरिक एक जगह एकत्रित नइ होवे अउ पूजा-पाठ पूर्ण आस्था, ससम्मान सम्पन्न कराही। ये संबंध म जिला म 7 नवम्बर के छठ पूजा समिति के बैठक म तको गोठबात होए हाबे के आम जन छठ पूजा अपन घरे म ही करही। कोनो नदी, नाला, तालाब, पोखरी म अर्ध्य दे खातिर नइ जावे। छठ पूजा समिति के अध्यक्ष या सचिव छठ घाट म कोनो प्रकार के अयोजन नइ करे अउ बैनर लगाके आम नागरिक ले घरे म पूजा करे खातिर आरो करही। येकर अलाव फेसबुक, व्हाट्सएप अऊ आन मीडिया के माध्यम ले प्रचार-प्रसार करही।

छठ पूजा सामूहिक आयोजन के अनुमति कोनो भी परिस्थिति म नइ दे जा सके। छठ पूजा के पूजा समान के बर तको दुकान म जादा भीड़ नइ करना हावय। ये सबो दिशा निर्देश के संग भारत सरकार के स्वास्थ्य, परिवार कल्याण मंत्रालय के आदेश 4 जून 2020 के अंतर्गत जारी एस.ओ.पी. के पालन अनिवार्य रूप ले करे बर परही। अऊ कोनो प्रकार के आदेश के उल्लंघन करे म एपिडेमिक डिसीज एक्ट अउ विधि अनुकूल आन धारा के तहत् कड़ा कार्यवाही करे जाही।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285