सरगुजा तको देवारी म जगमगाही गोबर के दीया ले, घड़ी चौक म लगिस स्टॉल

अंजोर.अम्बिकापुर,8। राष्ट्रीय आजीविका मिशन सरगुजा ईकाई के सहयोग ले नगर के घड़ी चौक म समूह के महिला मनके गोबर ले बनाये ईकोफ्रेंडली अउ आकर्षक दीया के स्टॉल लगाये हे हावय। कलेक्टर संजीव कुमार झा के निर्देशानुसार अउ जिला पंचायत के सीईओ कुलदीप शर्मा के अगुवई म लगे स्टॉल म दीया 18,24 अउ 36 के पैक म मिलत हाबे।

कलेक्टर श्री झा ह आम नागरिक ले अपील करे हावय के एसो के देवारी म गोबर ले बने दीया ले अपन घर आंगन म अंजोर करिहव। येकर ले पर्यावरण संरक्षण म मदद मिलही अउ समूह के दीदी मनला आमदनी तको मिलही। जानबा होवय के पाछु दिन खाद्य मंत्री अमरजीत भगत ह तको मैनपाट दौरा बखत उडुमकेला गोठान म बने 2000 रुपिया के दीये बिसाये रिहिन। ओमन दीया बनइया बनके बढ़ई करत येला जादा ले जादा बउरे के बात किहिन। ये दीया सुंदर-सुंदर ह देखत बने दिखथे अऊ येकर कोनो नुकसान तको नइ होवय।