समर्पण अभियान ले छत्तीसगढ़ पुलिस करत हाबे सियान मनके मदद

अंजोर.बिलासपुर। समाज के सबो मनखे के सुरक्षा के संग पुलिस ह अब सियान मनके मदद बर तको आगु आए हाबे। छत्तीसगढ़ पुलिस ह समर्पण अभियान चलाके सियान मनला जरूरत के जिनिस बांटत हाबे। इही कड़ी म आज जिला बिलासपुर म पुलिस अधीक्षक प्रशांत अग्रवाल के मार्गदर्शन म चौकी बेलगहना म वृद्धजन मनले गोठबात करके उंकर समस्या ल सुनिस अउ जाड़ के मउसम ल देखत 80 नग कंबल संग राशन समान तको भेट करे गिस।