अंजोर.राजनांदगांव। प्रदेश कांग्रेस अध्यक्ष, विधायक कोण्डागांव मोहन मरकाम ह आज राजनांदगांव जिला के दौरा म हावय। मरवाही जीत के बाद अब ओमन कार्यकर्ता मनके उत्साह बढ़ाये खातिर भेट मुलाकात करत हावय। सबले पहिली ओमन राजनांदगांव पहुंचिन जिहा महापौर श्रीमती हेमा देशमुख के अगुवाई म जोरदार सुवागत करे गिस। ये बीच महापौर निवास म डोंगरगढ़ विधायक भनेश्वर बघेल, दुर्ग जिला कांग्रेस कमेटी अध्यक्ष तुलसी साहू, राजनांदगांव जिला कांग्रेस कमेटी ग्रामीण के अध्यक्ष पदम कोठारी, शहर कांग्रेस अध्यक्ष कुलबीर छाबड़ा मन तको स्वागत अभिनंदन कार्यक्रम म सामिल रिहिन।
आगू के दौरा कार्यक्रम म श्री मरकाम ह राजनांदगांव के खुज्जी विधानसभा के साकर दहरा मोछ धाम म दीपावली मिलन समारोह अउ कार्यकर्ता सम्मान समारोह म होइन सामिल। ये मउका म विधायक श्रीमती छन्नी साहू कोति ले पारंपरिक तरीका ले सुवागत अभिनंदन करे गिस। एजेंसी कोति ले मिले आरो के मुताबिक कार्यक्रम प्रदेश कांग्रेस अध्यक्ष श्री मरकाम ह क्षेत्र के जनता के बीच अपन बात रखत सरकार कोति ले चलत जन काल्याणकारी योजना के बारे म आरो देवत भूपेश सरकार के प्राथमिकता ल बतावत कार्यकता मनला देवारी तिहार के बधाई देवत सम्मान समारोह म सामिल रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।