Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

मंदिर हसौद म छठ घाट के लोकार्पण करिन डॉ. शिवकुमार डहरिया अउ छठ परब के दिस बधाई


अंजोर.रायपुर। प्रदेश के नगरीय प्रशासन, विकास अउ श्रम मंत्री शिवकुमार डहरिया ह आज बिहनिया आरंग विधानसभा के मंदिर हसौद म पांच लाख रुपिया के लागत ले बने छठ घाट के लोकार्पण करिन। ये मउका म ओमन पूजा करिन अउ नवा छठ घाट, पचरी निर्माण के घोषणा तको करिन। मंत्री डॉ. डहरिया किहिन के सूर्य उपासना के ये विशेष पर्व सबके जीवन के मंगलकामना ले जुड़े हावय। राज्य सरकार के कोशिश हावय के छठ पूजा खातिर उपास रखइया मनला बने स्थान मिले अउ उहाँ सुविधा के साथ स्वच्छता भी होवय। मंदिर हसौद के ये तालाब सुविधायुक्त हावय।

मंत्री डॉ डहरिया किहिन के छत्तीसगढ़ म छठ पर्व के माहौल लगातार बढ़ते हावय। बड़ संख्या म इहो छठ पूजा म लोगन शामिल होवत हाबे। उत्तर भारतीय मनके साथ स्थानीय लोगन मन तको छठ पूजा म शामिल होए लगे हावय। शांतिपूर्ण तरीका ले लोगन मन आपस म मिल जुलके तिहार मनावत हाबे। छत्तीसगढ़ के इहीं संस्कृति अउ पहचान आए। अइसने आपसी भाईचारा बने राहय। ओमन किहिन के मुख्यमंत्री श्री भूपेश बघेल ह छठ पर्व के विशेषता अउ महत्व ल समझत हुए सबके भावना के ख्याल रखत, राज्य म छठ पूजा के दिन सार्वजनिक अवकाश तको दे हाबे। मंत्री डॉ डहरिया ह आगू छठ पूजा शुभकामना दीस कार्यक्रम म ग्रामीण जनप्रतिनिधि रेखराम पात्रे, मंदिर हसौद सरपंच श्रीमती रमा यादव, सोभित साहू,  नोहर यादव, आदित्य सिन्हा, प्रवीण सिंह, छतौना सरपंच दिवाकर जांगड़े, अनुज मिश्रा, बलराम सोनवानी, पंच राकेश जैसवाल, प्रमोद कुर्रे नकटा सरपंच गोपाल यादव, नरसिंह अग्रवाल, इग्गी धीवर मन सामिल रिहिन।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285