अंजोर.कोण्डागांव। छत्तीसगढ़ ले अब धीरे-धीरे नक्सली गतिविधी के कमतियाए के आरो मिलत हाबे। जेन मन आन के उकसाये म रातदिन मारकाट म जीव होम दे राहय ओमन अब बने जिनगी जिये खातिर समाज के मुख्यधारा म लहुंटत हाबे। कतकोन मन अपन घर परिवार के मोह अउ शासन-प्रशासन के जन कल्याणकारी योजना के सेती गांव म रोजी मजूरी करके जीवकोपार्जन करत हाबे।
नक्सली मुठभेड़ अउ हिंसक घटना के बीच कोण्डागांव पुलिस कोति ले बने आरो मिले हाबे के नक्सली मनके मिलिट्री कम्पनी नंबर 6 के प्लाटून डिप्टी कमाण्डर अउ एक सेक्शन सदस्य ह पुलिस के सो आत्मसमर्पण करे हाबे। एजेंसी ले मिले आरो के मुताबिक एक पुरूष अउ एक महिला नक्सली मनके उपर सरकार कोति ले कुल 16 लाख के ईनाम रिहिसे। येमन पाछू कई बछर ले कोण्डागांव, नारायणपुर, बीजापुर, जगदलपुर, कांकेर के सरहद म मिलिट्री दलम कोति ले घटे सबो प्रमुख घटना म सक्रिय रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।