अंजोर.रायपुर। रायपुर जिला के अभनपुर थाना क्षेत्र के ग्राम केन्द्री म एकेच परिवार के पांच झिन के मउत के मामला म गृह मंत्री ताम्रध्वज साहू ह गंभीरता ले लेवत जांच के निर्देश दे हाबे श्री साहू ह रायपुर जिला के वरिष्ठ पुलिस अधीक्षक अजय यादव ले फोन म गोठबात करत किहिन के एक परिवार पांच मउत होना बहुत बड़ घटना आए। मउत के कारण के पता लगाये के संग ओमन मउका म पहुंचे पुलिस अधिकारी ल शव के पोस्टमार्डम म विशेष ध्यान देके निर्देश दिस।
जानबा होवय के राजधानी रायपुर ले लगे अभनपुर थाना क्षेत्र के केन्द्री गांव म एक परिवार के पांच लोगन के शव मिले हाबे। जेमा दू लइका, दू माईलागिन अउ एक आदमी शामिल हाबे। आरो पाके पुलिस अधिकारी के टीम मउका पहुंचके घटना के जांच जुटगे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।