सतनाम संदेश यात्रा ले समाज म आही एकजुटता : मंत्री गुरु रुद्रकुमार

अंजोर.रायपुर। लोक स्वास्थ्य यांत्रिकी अउ ग्रामोद्योग मंत्री गुरु रूद्रकुमार आज आरंग विकासखंड के चंदखुरी म आयोजित प्रगतिशील सतनामी समाज के कार्यक्रम म शामिल होइन। ये मउका म ओमन प्रगतिशील सतनामी समाज कोति ले आयोजित कार्यक्रम म सतनाम संदेश यात्रा ल सादा झंडी देखाके गिरौधपुरी रवाना करिन। मंत्री गुरु रुद्रकुमार ह किहिन के समाज ल एकजुट करे म सतनाम संदेश यात्रा के महत्वपूर्ण भूमिका हावय। सतनाम संदेश यात्रा संत श्री शिरोमणि बाबा गुरु घासीदास जी के संदेश ल जन-जन तक पहुंचाये के एक सशक्त माध्यम बने हाबे। कार्यक्रम म सतनामी समाज के लोगन मन मंत्री गुरु रुद्रकुमार ल पगड़ी पहिना के सम्मानित करिन। ये मउका म समाज के सबो राजमहंत, जिला महंत, साटीदार, भण्डारी सहित सतनामी समाज के लोगन मन जुरियाए रिहिन।