शहीद नंदकुमार पटेल जी ल उंकर जयंती म नमन करिन सीएम बघेल

अंजोर.रायपुर। मुख्यमंत्री भूपेश बघेल जी ह पूर्व गृहमंत्री शहीद नंदकुमार पटेल के जयंती के मउका म अपन निवास कार्यालय म उंकर चित्र म माल्यार्पण करके नमन करत विनम्र श्रद्धांजलि अर्पित करिन। मुख्यमंत्री ह स्वर्गीय श्री पटेल ल सुरता करत किहिन के पटेल जी जमीन ले जुड़े जननेता रिहिन। ओमन छत्तीसगढ़ ल विकास के ऊंचाई तक ले जाए के सपना देखय। ये मउका म मुख्यमंत्री के सलाहकार राजेश तिवारी अउ दुर्ग जिला के पाटन तहसील साहू संघ के अध्यक्ष अश्वनी साहू तको उपस्थित रिहिन।