महंगी मोटरसाइकिल चोरहा ल पकडि़स दुर्ग के थाना मोहन नगर पुलिस

अंजोर.दुर्ग। जिला के मोहन नगर थाना के टीम ल बड़का सफलता मिले हावय। एक कोति पुलिस ह आदतन अपराधी मनके धरपकड़ करके अपराध म कमी लाने खातिर जबर उदीम करत हाबे। अउ दूसर कोति गिरोह के सदस्यअ मनके गिरफ्तारी तको होवत हाबे। मिले आरो के मुताबिक दुर्ग के थाना मोहन नगर पुलिस ह बड़का कार्यवाही करत वाहन चोर गिरोह के सरगना ल गिरफ्तार करे हाबे। संग म 10 महंगी मोटरसाइकिल तको जप्त करे हावय जेकर कीमत लगभम 10 लाख रुपिया बताये हाबे। समाचार लिखे तक अपराध दर्ज करके पुलिस आगू के कार्यवाही करत रिहिसे।