अंजोर.रायपुर। राज्य के शासकीय अउ निजी फिजियोथैरपी महाविद्यालय म संचालित पाठयक्रम बी.पी.टी. के कुल 110 सीट म प्रवेश खातिर ऑनलाइन आवेदन 03 दिसंबर तक कर सकत हावय। ये पाठयक्रम म प्रवेश खातिर नीट म सम्मिलित सबो अभ्यर्थी पात्र हावय अउ येमा कोनो न्यूनतम अहर्ताकारी अंक के बाध्यता नइये। प्रवेश खातिर ऑनलाइन आवेदन संचालनालय चिकित्सा शिक्षा विभाग के वेबसाईट http://cgdme.co.in म कर सकत हावय।
विद्यार्थी मनके ऑनलाइन पंजीयन के पहिली छत्तीसगढ़ चिकित्सा, दंत चिकित्सा अउ भौतिक चिकित्सा (फिजियोथैरेपी) स्नातक प्रवेश नियम 2018 के अध्ययन करना हावय, विशेषकर आरक्षण काउंसिलिंग प्रक्रिया आदि के। ऑनलाइन आवेदन के साथ ही महाविद्यालय के चयन करना होही काबर के महाविद्यालय चयन खातिर अतिरिक्त समय नइ दिये जाए। अगर विद्यार्थी ऑनलाइन आवेदन सबमिट करे के बाद चेक सेव एंड फिनिस कर चुके हावय। ये प्रक्रिया के बाद विद्यार्थी अपन ऑनलाइन आवेदन म परिवर्तन करना चाहत हाबे तव परिवर्तन खातिर एडीट शुल्क रू. 1000 पुनः ऑनलाइन भुगतान करके अंतिम तिथि तक परिवर्तन कर सकही। विद्यार्थी मनला तय समय सीमा म ही ऑनलाइन आवेदन के प्रक्रिया ल पूरा करना होही, गलत या अपूर्ण आवेदन पंजीयन फीस के गेटवे ले जमा ना होना आदि म अपात्र हो जही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।