अंजोर.रायपुर। देश भर म घुम घुमके एटीएम मशीन म छेड़छाड़ करके लाखों रूपिया के ठगी करइया हरियाणा के एक गिरोह के 03 आरोपी ह रायपुर पुलिस के हाथ लगे हावय। मिले आरो के मुताबिक ये गिरोह ह एटीएम बूथ म घूस के सबले पहिली एटीएम मशीन के पैनल ल मास्टर चाबी ले खोल देथे अउ एटीएम कार्ड ल मशीन म डारके रकम आहरण के पूरा प्रोसेस करथे। जइसे ही रकम मशीन के ट्रे म आथे उही बेरा आरोपी मन मशीन के पैनल के अंदर हाथ डालके स्विच बंद करथे जेकर ले रकम आहरण के मैसेज संबंधित बैंक/खाता धारक कना नइ जावय। अऊ आरोपी मन आसानी ले नगदी रकम निकाल लेथे।
आरोपी मनके के विरूद्ध थाना कोतवाली, सेजबहार अउ गुढ़ियारी म धारा 420 भादवि. के तहत अपराध पंजीबद्ध करे गे हावय। ये गिरोह के गिरफ्तार आरोपी म शाहरूख खान पिता सहाबुद्दीन खान उम्र 25 साल निवासी ग्राम धौज थाना धौज जिला फरीदाबाद (हरियाणा)। आसिफ खान पिता सहाबुद्दीन खान उम्र 22 साल निवासी ग्राम धौज थाना धौज जिला फरीदाबाद (हरियाणा)। वसीम खान पिता हनीफ खान उम्र 18 साल निवासी ग्राम धौज थाना धौज जिला फरीदाबाद (हरियाणा) सामिल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।