देवारी तिहार के पहिली मिठाई दुकान म खाद्य सुरक्षा अधिकारी के जबर कार्यवाही

अंजोर.दंतेवाड़ा। जिला कलेक्टर दीपक सोनी के निर्देश म तिहार के सीजन के पहिली खाद्य सुरक्षा अधिकारी मन मिठाई के जांच अउ नमूना ले खातिर दंतेवाड़ा, गीदम, बचेली, किरंदुल के गजब अकन मिठाई दुकान, होटल, किराना दुकान पहुंचिन। मिठाई, नमकीन अउ आन खाये के जिनिस मनके सैंपल तको जप्त करके जांच खातिर राज्य खाद्य प्रशिक्षण प्रयोगशाला रायपुर भेजे गिस। ये मउका म मिठाई कलाकन्द, खोवा, मिल्क केक, बर्फी, नमकीन, बेसन, पनीर अउ आन खाद्य पदार्थ के सैंपल जांच लेवत बखत जिहां अनियमितता पाइन उहां के संचालक ल नोटिस जारी करके तीन दिवस के भीतर के सुधारे निर्देश दीस।