राज्यपाल सुश्री अनुसुईया उइके ह देश के सीमा म तैनात सैनिक अउ सुरक्षा बल ल दीस देवारी के बधाई

अंजोर.रायपुर। छत्तीसगढ़ के राज्यपाल सुश्री अनुसुईया उइके ह देश के सीमा अउ छत्तीसगढ़ सहित आन अंचल म तैनात सैनिक, अर्द्धसैनिक बल ल देवारी परब के शुभकामना दे हाबे। राज्यपाल ह ये मउका म किहिन के जब पूरा देश देवारी तिहार मनावत हाबे तव हमर साथी देश के सुरक्षा म डटे हाबे। उंकरे बदौलत ही आज हमन अपन तिहार शांति ले मनावत हाबन। मैं उंकर परिवार वाले मनला तको धन्यवाद संग देवारी तिहार के शुभकामना देवत हवं। सैनिक अउ उंकर परिवार के योगदान अमूल्य हाबे।