अंजोर.रायपुर। मुख्यमंत्री भूपेश बघेल ह किसान मनके सुविधा ल देखत खरीफ विपणन वर्ष 2020-21 म धान खरीदी बर निर्धारित किसान मनके पंजीयन अवधि ल बढ़ाके अब 17 नवंबर 2020 तक कर दे हावय। श्री बघेल के निर्देश म राज्य शासन कोति ले आदेश जारी होगे हाबे। सचिव, खाद्य नागरिक आपूर्ति अउ उपभोक्ता संरक्षण विभाग डहर ले राज्य के सबो संभागायुक्त, कलेक्टर अउ पंजीयक, सहकारी संस्था, प्रबंध संचालक अपैक्स बैंक नया रायपुर ल आदेश के कॉपी पठो के 17 नवम्बर तक किसान मनके पंजीयन करे के निर्देश दे हाबे। पहिली पंजीयन के आखरी तारीख 10 नवम्बर 2020 तक निर्धारित रिहिसे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।