मुख्यमंत्री श्री बघेल पहुंचिस आर-जामगांव के आंगनबाड़ी, ब्लैक बोर्ड म ‘बच्चे सबसे अच्छे’ लिखके बढ़ाईस हौसला

अंजोर.दुर्ग। मुख्यमंत्री भूपेश बघेल ह आज दुर्ग जिला के पाटन विधानसभा क्षेत्र के आर-जामगांव म आंगनबाड़ी केन्द्र पहुंचके निरीक्षण करिन। ओमन लइका मनले मिलत, आंगनबाड़ी केन्द्र के ब्लैक बोर्ड म ‘बच्चे सबसे अच्छे‘ लिखके उंकर हौसला बढ़ाइस। ये मउका म वेदांता समूह के सहयोग ले दुर्ग जिला के पाटन विधानसभा क्षेत्र म 101 आंगनबाड़ी केंद्र के रेनोवेशन के लोकार्पण करे गिस।

एजेंसी ले मिले आरो के मुताबिक निरीक्षण म आंगनबाड़ी केन्द्र के तारीफ करत किहिन के ऑडियो विजुअल के सुविधा वाला ये केंद्र म लइका ल खेल-खेल म बहुत कुछ सीखे म मदद मिलही। मुख्यमंत्री ह लइका मनले सवाल तको पुछिस, आंगनबाड़ी के दीवार म बने पशु-पक्षि के के सुंदर तस्वीर के नाव ल लइका मन बतावत जाए। ये मउका म ओमन लइका मनला इनाम तको दिस। 

जानबा होवय के लोकार्पित होवइया केन्द्र म ऑडियो विजुअल क्लास खातिर टीवी सेट के व्यवस्था करे गे हावय। हाइजिनिक किचन, वाटर फिल्टर के सुविधा संग एक मॉडल आंगनबाड़ी के अनुकूल बड़ सुंदर माहौल बनाये गे हाय। ये मउका म जिला कार्यक्रम अधिकारी विपिन जैन, कार्यकर्ता श्रीमती मोहिनी म्हस्के, सहायिका श्रीमती देवेंद्री श्रीवास के अलावा संभागायुक्त टीसी महावर, आईजी विवेकानंद सिन्हा, कलेक्टर डॉ. सर्वेश्वर नरेंद्र भुरे, एसपी प्रशांत ठाकुर मन तको उपस्थित रिहिन।