Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

चिटफंड कंपनी याल्स्को के सम्पत्ति कुर्क करके निवेशक मनके 7 करोड़ 33 लाख रूपिया लहुटाइस भूपेश सरकार, घोषणा पत्र के एक अऊ वादा पूरा करिस


अंजोर.रायपुर। निवेशक मनले धोखाधड़ी करइया चिटफंड कम्पनी याल्स्को रियल स्टेट एण्ड एग्रो फार्मिंग लिमिटेड उपर सरकार ह कार्रवाई करत उंकर सम्पत्ति कुर्क करके निवेशक मनके 7 करोड़ 33 लाख रूपिया आज धनतेरस के दिन लहुटाके अपन एक अऊ वादा ल पूरा करिस। मुख्यमंत्री भूपेश बघेल अपन निवास कार्यालय म आयोजित कार्यक्रम म निवेशक मनके खाता म ऑनलाईन राशि अंतरित करिन। ये मउका म विधायक अउ छत्तीसगढ़ राज्य ग्रामीण, अन्य पिछड़ा वर्ग विकास प्राधिकरण के अध्यक्ष दलेश्वर साहू, छत्तीसगढ़ खनिज विकास निगम के अध्यक्ष गिरीश देवांगन, मुख्यमंत्री के सलाहकार विनोद वर्मा, रूचिर गर्ग, अपर मुख्य सचिव गृह सुब्रत साहू, विशेष पुलिस महानिदेशक अशोक जुनेजा उपस्थित रिहिन।

जानबा होवय के मुख्यमंत्री श्री बघेल ह पहिली ही केहे रिहिस के फर्जी चिटफंड कम्पनी उपर एफआईआर करना पर्याप्त नइये। हम उंकर सम्पत्ति कुर्क करके निवेशक के पइसा लहुटाये के दिशा म काम करबोन। अऊ आज धनतेरस के मउका म मुख्यमंत्री अपन घोषणा म अमल के साथ निवेशक मनला तको न्याय देवावत हाबे। मुख्यमंत्री श्री बघेल के नेतृत्व म राज्य सरकार ह फर्जी चिटफंड कम्पनी उपर कार्रवाई करके निवेशक मनला उंकर जमा राशि देवाना प्राथमिकता म रखिन। अइसन प्रकरण म प्रगति के समीक्षा मुख्यमंत्री स्वयं लगातार करत हाबे। बीते दू बछर के कार्यकाल के दौरान शासन ह धोखाधड़ी के मामला के जांच शुरू करत फर्जी कम्पनी मनके खिलाफ एफआईआर करे अउ निवेशक के रकम वापसी के सिलसिला शुरू करे हाबे। साथ ही कम्पनी म काम करइया स्थानीय युवा मनके खिलाफ दर्ज मामला तको वापस लेवत हाबे। जन घोषणा पत्र म करे वादा म मुख्यमंत्री भूपेश बघेल किहिन के निवेशक मनला न्याय देवाये खातिर फर्जी कम्पनी उपर कानूनी शिकंजा कसे के साथ-साथ उंकर सम्पत्ति तको कुर्क करके राशि लहुटाये जाही।

राजनांदगांव के चिटफंड कम्पनी याल्स्को रियल स्टेट एण्ड एग्रो फार्मिंग लिमिटेड के विरूद्ध शिकायत मिले म जिला कलेक्टर ह सम्पत्ति के जानकारी लिस, जेमा डायरेक्टर मनके स्वामित्व के कुल 292.36 एकड़ अचल सम्पत्ति पाईस। भूमि के कुर्की के अंतिम आदेश विशेष न्यायालय कोति ले पारित करे के बाद संबंधित विभागीय अधिकारी कुर्क- सम्पत्ति के नीलामी कराईस। ये नीलामी ले अब तक 8 करोड़ 15 लाख 34 हजार 345 रूपिया मिले हाबे। राजनांदगांव अउ छुरिया तहसील के एक-एक सम्पत्ति के नीलामी अभी बांचे हाबे।

27 जुलाई 2020 ले 20 अगस्त 2020 तक कम्पनी के निवेशक ले दावा आपत्ति प्राप्त करे गिस। कुल 17 हजार 171 निवेशक ह 24 करोड़ 75 लाख 47 हजार 337 रूपिया के दावा प्रस्तुत करिस। आवेदन के समीक्षा के बाद 16 हजार 796 निवेशक ह पूरा जानकारी के साथ दावा करिन। अब तक सम्पत्ति के नीलामी ले जोन राशि मिले हाबे, वो दावा राशि के केवल एक तिहाई हाबे। जिला स्तरीय पांच सदस्यीय समिति ह 16 हजार 796 निवेशक के प्रस्तुत दावा के राशि के 30 प्रतिशत यानी 7 करोड़ 32 लाख 95 हजार 528 रूपिया लहुटाये के निर्णय लिस हाबे। जेन 16 हजार 796 निवेशक ल राशि लहुटाये हाबे तेन म 13 हजार 586 छत्तीसगढ़ के आने-आने जिला के हाबे। येमा 197 ओड़िशा के, 2971 महाराष्ट्र के अउ 42 निवेशक मध्यप्रदेश तको हाबे। निवेशक मनके खाता म एन.ई.एफ.टी. के माध्यम ले राशि स्थानांतरित करे गिस।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285