अंजोर.रायपुर। स्वास्थ्य मंत्री श्री सिंहदेव ह आज अपन निवास कार्यालय ले 20 नवा एम्बुलेंस ल हरियर झंडा देखाके रवाना करिस। आपात स्थिति म मरीज अउ घायल मनला अस्पताल तक पहुंचाये खातिर ये एम्बुलेंस ल आने-आने जिला म भेजे जाही। येला मिलाके अब स्वास्थ्य विभाग म कुल 300 नवा एम्बुलेंस के जरिए आपात चिकित्सा सुविधा जरूरतमंद ल पहुंचाये जा सकही।
स्वास्थ्य विभाग के 108-संजीवनी एक्सप्रेस सेवा के संचालन खातिर राज्य शासन अउ जय अम्बे इमरजेंसी सर्विसेस के बीच प्रदेश भर म 300 एम्बुलेंस के संचालन खातिर एमओयू करे गे हावय। आज 20 नवा एम्बुलेंस के शुरूआत के बाद अब सबो 300 एम्बुलेंस आपात स्थिति म मरीज अउ घायल मनला अस्पताल तक पहुंचाये खातिर विभाग ल मिलगे। येमा 29 एडवांस्ड लाइफ सपोर्ट सिस्टम (ALSS) के सुविधा वाले एम्बुलेंस तको शामिल हावय। एडवांस्ड लाइफ सपोर्ट सिस्टम एम्बुलेंस आपातकालीन दवाई के साथ ही वेंटिलेटर, डि-फ्रेबिकेटर अउ इनफ्यूजन पंप के सुविधा ले लैस हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।