मंत्रालय महानदी भवन परिसर म शहीद वीर नारायण श्रम अन्न दान दाल भात केन्द्र के होइस शुभारंभ

अंजोर.रायपुर। मंत्रालय महानदी भवन परिसर म शहीद वीर नारायण श्रम अन्न दान दाल भात केन्द्र के आज शुभारंभ करे गिस। दाल भात केन्द्र म श्रमिक मनला निःशुल्क भोजन उपलब्ध कराये जाही। ये मउका म श्रम मंत्री शिवकुमार डहरिया अउ उद्योग मंत्री कवासी लखमा ह दाल भात केन्द्र के संचालन खातिर महिला स्वसहायता समूह ‘मोर फुलवारी’ ल 40 हजार रूपिया के चेक प्रदान करिस। दाल भात केन्द्र के संचालन खातिर जरूरी संसाधन के व्यवस्था श्रमिक कल्याण मण्डल कोति ले करे जाही।