लोकवाणी म ये दरी ‘छत्तीसगढ़ सरकार के दू बछर के कार्यकाल’ विषय म होही गोठबात

अंजोर.रायपुर। मुख्यमंत्री श्री भूपेश बघेल के रेडियो कार्यक्रम म ये पइत ‘छत्तीसगढ़ सरकार के दू बछर के कार्यकाल’ विषय म प्रदेशवासी मनले गोठबात होही। ये संबंध म कोनो भी मनखे ह आकाशवाणी रायपुर के फोन नंबर 0771-2430501, 2430502, 2430503 म 25, 26 अउ 27 नवंबर के मंझनिया के बेरा 3 ले 4 बजे के बीच फोन करके अपन सवाल रिकॉर्ड करा सकत हाबे। मुख्यमंत्री श्री बघेल के मासिक रेडियो वार्ता लोकवाणी के 13 वीं कड़ी के प्रसारण 13 दिसंबर के होही। लोकवाणी के प्रसारण छत्तीसगढ़ के आकाशवाणी के सबो केंद्र,एफएम रेडियो अउ क्षेत्रीय समाचार चैनल म बिहनिया 10:30 ले 11 बजे तक होही।