संविधान दिवस के मउका म राज्यपाल ह संविधान के प्रस्तावना के करिन पठन

अंजोर.रायपुर। राज्यपाल सुश्री अनुसुईया उइके ह संविधान दिवस के मउका म राजभवन म संविधान के प्रस्तावना के पठन करिन। प्रस्तावना म केहे गे हावय के ‘हम भारत के मनखे, भारत के एक संपूर्ण प्रभुत्व-संपन्न समाजवादी, पंथनिरपेक्ष, लोकतंत्रात्मक गणराज्य बनाये खातिर अऊ येकर सबो नागरिक मनला सामाजिक, आर्थिक अउ राजनीतिक न्याय, विचार, अभिव्यक्ति, विश्वास, धर्म अउ उपासना के स्वतंत्रता, प्रतिष्ठा अउ अवसर के समता प्राप्त कराये बर अऊ उन सब म व्यक्ति के गरिमा अउ राष्ट्र के एकता अउ अखण्डता सुनिश्चित करइया बंधुता बढ़ाये खातिर दृढ़संकल्प होके 26 नवंबर 1949 के एतद् द्वारा ये संविधान ल अंगीकृत, अधिनियमित अउ आत्मार्पित करत हाबे।’ राजभवन म ये मउका म राज्यपाल के परिसहायद्वय त्रिलोक बंसल अउ मेजर सिद्धार्थ सिंह, राज्यपाल के निज सचिव जितेन्द्र कुमार सोलंकी तको उपस्थित रिहिन।