अंजोर.भाटापारा,08। भाठापारा शहर म गजब दिन ले पुलिस ल गांजा बेचे के आरो मिलत रिहिस। जइसे ही पता लगिस के आरोपी मन फेर गांजा बेचे के फिराक हावय, पुलिस के बड़का अधिकारी मनके मागदर्शन मन घेराबंदी करे तीन आरोपी ल गांजा सहित धर दबोचिस। एजेंसी ले मिले आरो के मुताबिक आरोपी हरकु यदु पिता खम्भन यदु उम्र 65 वर्ष साकिन रोहरा, विनोद निषाद पिता बुधराम निषाद उम्र 45 वर्ष साकिन रोहरा, कमल साहू पिता सोहन लाल साहू ग्राम रेंडाबोड ल मोटर सायकल म 10 किलो गांजा लेगत रंगे हाथ पकडे गे हावय।
पुलिस के मुताबिक ये आरोपी मन भाटापारा, तरेंगा, रोहरा, अऊ गांव मन म गांजा के सप्लाई करे काम बहुत दिन ले करत आवत हाबे। आरोपी मनके कब्जा ले 10 किलो गांजा कीमती लगभग 80000 रूपिया अउ परिवहन वाहन कीमती 45000 ले विधिवत जप्त करके आरोपी मनला धारा 20 बी एन.डी.प.एस. एक्ट के तहत गिरफ्तार करके जेल भेज दिये गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।