अंजोर.रायपुर। राज्य स्वच्छता पुरस्कार-2020 के विजेता मनला विश्व शौचालय दिवस म 19 नवम्बर के पुरस्कार दे जाही। पंचायत, ग्रामीण विकास मंत्री टी.एस. सिंहदेव ये दिन वीडियो कॉन्फ्रेंस के माध्यम ले आयोजित पुरस्कार समारोह म विजेता प्रतिभागी मनला पुरस्कृत करही। राज्य स्वच्छ भारत मिशन (ग्रामीण) कोति ले 18 आने-ओन श्रेणी म चयनित विजेता ल कुल चार करोड़ 35 लाख रूपिया के पुरस्कार देही।
जानबा होवय के स्वच्छ भारत मिशन डहर ले ‘राज्य स्वच्छता पुरस्कार-2020’ के अंतर्गत 25 जुलाई ले 2 अक्टूबर 2020 तक गजब अकन प्रतियोगिता खातिर प्रविष्टि आमंत्रित करे रिहिसे। कुल 18 श्रेणी म आयोजित प्रतियोगिता म करीब तीन हजार ले जादा संस्था अउ व्यक्ति मन हिस्सा लिस। प्रदेश के सबो जिला ले मिले उत्कृष्ट प्रविष्टी ल राज्य स्तरीय स्वतंत्र एजेंसी के माध्यम ले सत्यापन कराके अलग-अलग श्रेणी के विजेता के चयन करे गे हावय।
राज्य स्वच्छता पुरस्कार-2020 के अंतर्गत स्वच्छ भारत मिशन कोति ले स्वच्छ सुंदर शौचालय पुरस्कार, स्वच्छ सुंदर सामुदायिक शौचालय पुरस्कार, उत्कृष्ट सेग्रिगेशन शेड पुरस्कार, एम.एच.एम. (माहवारी स्वच्छता प्रबंधन) युक्त ग्राम पंचायत पुरस्कार, उत्कृष्ट निबंध सृजन प्रतियोगिता, उत्कृष्ट नारा लेखन प्रतियोगिता, दीवार लेखन प्रतियोगिता, प्लास्टिक मुक्त ग्राम पंचायत पुरस्कार, उत्कृष्ट स्वच्छाग्रही समूह पुरस्कार, उत्कृष्ट बायोगैस संयंत्र पुरस्कार, उत्कृष्ट सामुदायिक शौचालय (दिव्यांगजन पायलट प्रोजेक्ट), सामुदायिक शौचालय के उत्कृष्ट ड्राइंग-डिजाइन प्रतियोगिता, सेग्रिगेशन शेड के उत्कृष्ट ड्राइंग-डिजाइन प्रतियोगिता, गांव ल स्वच्छ कइसे रखे जाए- बेस्ट वर्किंग प्लान, ग्रामीण स्वच्छता के संबंध म नवाचार के सुझाव, ग्राम पंचायत ओ.डी.एफ. स्थायित्व पुरस्कार, विकासखण्ड ओ.डी.एफ. स्थायित्व पुरस्कार अउ जिला ओ.डी.एफ. स्थायित्व पुरस्कार के प्रविष्टि के विजेता मनला पुरस्कार दिये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।