सैनिक स्कूल अंबिकापुर म कक्षा 6वीं अउ 9वीं म प्रवेश परीक्षा बर 19 नवंबर तक ऑनलाइन आवेदन

अंजोर.रायपुर। छत्तीसगढ़ राज्य म रक्षा मंत्रालय के अधीन स्थापित सैनिक स्कूल, अंबिकापुर आवासीय अंग्रेजी माध्यम स्कूल म कक्षा 6वीं अउ 9वीं म प्रवेश बर ऑनलाइन आवेदन सुरू होगे हाबे। सैनिक स्कूल म इच्छुक अभ्यर्थी 19 नवंबर 2020 तक आधिकारिक वेबसाईट https://aissee.nta.nic.in,  https://aissee.nta.nic.in म ऑनलाइन आवेदन कर सकत हाबे। आवेदन पत्र म संशोधन 23 ले 29 नवंबर के बीच होही। ये कक्षा मन खातिर प्रवेश परीक्षा 10 जनवरी 2021 रविवार के छत्तीसगढ़ राज्य के रायपुर, सरगुजा, बिलासपुर, रायगढ़, कांकेर अउ बस्तर म आयोजित करे जाही। परीक्षा परिणाम 9 फरवरी 2021 के घोषित होही। परीक्षार्थी परीक्षा ले संबंधित पुराना प्रश्नपत्र वेबसाइट https://aissee.nta.nic.in  ले डाउनलोड कर सकत हाबे।

सैनिक स्कूल अंबिकापुर के प्राचार्य के बताये मुताबिक स्कूल म प्रवेश के संख्या अनुमानित कक्षा 6वीं बर 100 अउ 9वीं बर 22 हाबे। कक्षा 6वीं बर छात्र के जन्म एक अप्रेल 2009 ले 31 मार्च 2011 (दूनो) के बीच होना चाहि। अऊ 9वीं बर छात्र के जन्म एक अप्रैल 2006 ले 31 मार्च 2008 (दूनो) के बीच होना चाहि। प्रवेश के समय छात्र ह कक्षा 8वीं उत्तीर्ण होना अनिवार्य हाबे।

सैनिक स्कूल म प्रवेश बर आयोजित परीक्षा पेन अउ पेपर (ओ.एम.आर.) आधारित, बहुविकल्पीय प्रश्न वाला होही। परीक्षा शुल्क अनुसूचित जाति अउ जनजाति बर 400 रूपिया अउ आन बर 550 रूपिया निर्धारित हाबे। परीक्षा शुल्क के भुगतान डेबिट कार्ड, क्रेडिट कार्ड, नेट बैंकिंग, पेटीएम वालेट के माध्यम ले करे जा सकत हाबे। अखिल भारतीय सैनिक स्कूल प्रवेश परीक्षा ले संबंधित जादा जानकारी सैनिक स्कूल अम्बिकापुर के आधिकारिक वेबसाईट www.sainikschoolambikapur.org.in  ले पा सकत हाबे।