अंजोर.अम्बिकापुर। हरेक साल गणतंत्र दिवस समारोह म राज्य के अइसन बालक-बालिका मनके जेहा अपन जान के परवाह करे बिना अद्भूत वीरता के बुता करथे ओमन ला राज्यपाल कोति ले सम्मानित करे जाथे। ये पुरूस्कार खातिर जिला के बालक-बालिका ले 20 दिसम्बर 2020 तक महिला बाल विकास विभाग के जिला कार्यक्रम अधिकारी कार्यालय म निर्धारित प्रारूप म आवेदन आमंत्रित करे गे हावय।
जिला कार्यक्रम अधिकारी कोति ले मिले आरो के मुताबिक एसो एक जनवरी ले 31 दिसम्बर 2020 के बीच अद्भूत वीरता के बुता करइया वाला 18 वर्ष तक के बालक-बालिका ल चुने जाही। येकर बर आवेदन पत्र सक्षम प्राधिकारी, पुलिस अधीक्षक, महिला बाल विकास विभाग के जिला कार्यक्रम अधिकारी या कलेक्टर ले अनुशंसित होना अनिवार्य हाबे। आवेदक मनला दू रंगीन पासपोर्ट साईज फोटो के साथ आवेदन करना होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।