मुख्य सचिव अउ अपर मुख्य सचिव करिन बूढ़ा तरिया के कायाकल्प योजना के निरीक्षण

अंजोर.रायपुर,22। प्रदेश के मुख्य सचिव अउ अपर मुख्य सचिव ह नगर निगम, रायपुर स्मार्ट सिटी लिमिटेड डहर ले करे जावत बूढ़ा तरिया के विकास अउ सौंदर्यीकरण बुता के निरीक्षण करे बर पहुंचिन। ओमन किहिन के करार दिन म काम पूरा होवय, बड़े फाउंटेन के स्थापना, फ्लोटिंग डेक, पाथवे उक ले तरिया ल सुघ्घर बनाये म कोनो कमी नइ होना चाहि। बूढ़ा तरिया म जबर प्रवेश द्वार, म्यूजिकल फाउंटेन अउ टनल फाउंटेन के अलावा आकर्षक लैंड स्कैपिंग, लेजर शो, रंग-बिरंगी लाइट ले जगमगावत तरिया के पार म पेंटिंग ह अऊ शोभा ल बडा़ही। ये मउका म मुख्य सचिव आर पी मंडल अउ अपर मुख्य सचिव साहू ह ऐतिहासिक धरोहर के रूप म प्रतिष्ठित बूढ़ा तरिया के कायाकल्प के योजना के बढ़ई करत अपन मार्गदर्शन तको दिस।