राज्योत्सव 2020 म सामिल होए खातिर सांसद राहुल गांधी ल प्रदेश के मुखिया दिस नेवता, कोविड-19 के सेती नइ होवे बड़े जलसा

अंजोर.रायपुर,23। छत्तीसगढ़ राज के स्थापना दिवस के मउका म आयोजित होवइया जलसा एसो कोरोना के सेती बड़े रूप म नइ होवे, फेर अलंकरण समारोह जइसे बड़का कार्यक्रम सीएम हाउस म हो सकत हाबे। एजेंसी कोति ले आरो मिले हाबे के एसो के राज्योत्सव 2020 म पहुंना के रूप म सामिल होए खातिर कांग्रेस के बड़का नेता अउ सांसद राहुल गांधी ल नेवता दे बर स्वयं मुख्यमंत्री ह दिल्ली म मुलाकात करे हावय। 1 नवंबर के मुख्य कार्यक्रम म राज्य अलंकरण के अलावा ‘राजीव गांधी किसान न्याय योजना‘ के तहत राज्य के 19 लाख किसान ल तिसरइया किश्त के राशि तको दे जाही।