अंजोर.मरवाही,23। मरवाही विधानसभा के उपचुनाव म नामांकन के बाद प्रचार जोर-सोर ले चलत हाबे। जेमा प्रत्यासी के अलावा पार्टी के बड़का नेता मन तको जनता के बीच पहुंचत हाबे। कांग्रेस पार्टी कोति ले एसो डॉ. के. के. ध्रुव मैदान म हावय, अऊ उंकर पक्ष म कांग्रेस अध्यक्ष मोहन मरकाम के अलावा संसदीय सचिव कुंवर सिंह निषाद तको गांव-गांव पहुंचके जन समर्थन जुटावत हाबे।
बालोद के गुंडरदेही विधानसभा ले विधायक कुंवर सिंह निषाद उपर पार्टी ह अबड़ भरोसा करथे ए सेती ओमन के सरलग मरवाही दौरा चलत हाबे। पाछू दिन ओमन गांव चंगेरी, परासी अउ भरियान टोला म लोगन मनके बइठक लेके गोठबात करिन जेमा स्व. सहायता समुह के महिला मन तको जुरियाए रिहिन। पार्टी के विचारधारा ले अवगत करावत ओमन मरवाही विधानसभा उपचुनाव म भारतीय राष्ट्रीय कांग्रेस प्रत्याशी डॉ. के के ध्रुव के पक्ष म जबर चुनाव प्रचार करिन, जेमा लोगन मन भारी मत ले जीत के भरोसा देवाय हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।