ऐतिहासिक, धार्मिक स्थल दूधाधारी मठ म महंत जी के हाथ ले सर्वहारा पुस्तक समीक्षा विशेषांक के होइस विमोचन
अक्तूबर 27, 2020
0
अंजोर.रायपुर,27। रायपुर नगर के ऐतिहाहिसक अउ धार्मिक स्थल दूधाधारी मठ म डॉ. पंचराम सोनी के त्रैमासिक पत्रिका सर्वहारा के पुस्तक समीक्षा विशेषांक के विमोचन करे गिस। कार्यक्रम म विशेष रूप ले महंत डॉ. रामसुंदर दास अध्यक्ष गौसेवा आयोग, जागेश्वर प्रसाद छत्तीसगढ़ राज्य आंदोलनकर्ता, गीतकार रामेश्वर वैष्णव, रामेश्वर शर्मा, साहित्यकार उदयभान सिंह चौहान, चंद्रशेखर चकोर, गोविंद धनगर अउ जयंत साहू उपस्थिति रिहिन। सबो अतिथि मन पत्रिका के विमोचन के बाद अपन-अपन विचार तको रखिन, ये मउका म माई पहुना महंत जी ह किहिन के जिहा सूरज के अंजोर तको नइ पहुंच सके उहां कवि के लेखनी पहुंच जथे, अउ समाज म बगरे अंधियारी ल मेटे खातिर उदिम करथे। आज मोला सोनी जी के कृति के विमोचन करे के मउका मिलिस मैं उनला बहुत-बहुत देवत हवं आगू घलोक उंकर लेखनी चलते राहय। कार्यक्रम म उपस्थित कवि, गीतकार रामेश्वर वैष्णव अउ रामेश्वर शर्मा मन ह गीत, कविता के माध्यम ले शुभकामना दिस। इही बेरा म जागेश्वर प्रसाद, उदयभान सिंह चौहान अउ चंद्रशेखर चकोर ह तको अपन मया आसिस के दू आखर काहत संपादक डॉ. पंचराम सोनी ल बधाई दिस।
Tags
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।