राज्य स्थापना दिवस के मउका म प्रदेश के सात उत्कृष्ट पुलिस जवान शौर्य पदक ले होही सम्मानित : गृह मंत्री ने दी बधाई

अंजोर.रायपुर,29। छत्तीसगढ़ राज्य स्थापना दिवस के मउका म अवइया एक नवम्बर के उत्कृष्ट कार्य खातिर प्रदेश के सात पुलिस जवान ल शौर्य पदक ले सम्मानित करे जाही। गृह मंत्री ताम्रध्वज साहू ह पुरस्कार प्राप्त करइया सबो पुलिस जवान ल बधाई अउ शुभकामना दीस। कानून व्यवस्था अउ जनसेवा बर पुरस्कार मिलना गौरव के बात आए, येकर ले प्रेरणा मिलही।

छत्तीसगढ़ पुलिस शौर्य पदक 2020 बर चयनित पुलिस जवान म निरीक्षक मोहसिन खान जशपुर, उपनिरीक्षक जितेंद्र एसैया सुकमा, सहायक उपनिरीक्षक गणेश करमरका बीजापुर, प्रधान आरक्षक रामलाल कश्यप दंतेवाड़ा, प्रधान आरक्षक कुटुमथ राव दंतेवाड़ा, आरक्षक देवा आनंबम बीजापुर अउ आरक्षक गोपी इस्ताम दंतेवाड़ा शामिल हावय। ये पुरस्कार मुख्यमंत्री निवास म आयोजित राज्योत्सव कार्यक्रम म दे जाही।