मिनी माता सम्मान-2020 : महिला उत्थान बर जबर बुता करइया राज के महिला या अशासकीय संस्था ले 18 अक्टूबर आवेदन आमंत्रित

अंजोर.रायपुर,13। छत्तीसगढ़ शासन कोति ले महिला मनला विशेष रूप ले अनुसूचित जाति, जनजाति, अन्य पिछड़ा वर्ग अउ अल्पसंख्यक महिला के उत्थान बर जबर बुता करइया मनला ‘मिनी माता सम्मान (महिला उत्थान)’ दिये जाथे। एसो के सम्मान बर 18 अक्टूबर तक प्रविष्टि आमंत्रित करे गे हावय। योग्यल व्यक्ति ह अपन सेवा कार्य के सप्रमाण विस्तृत जानकारी, प्रकाशित प्रतिवेदन के छायाप्रति, प्रख्यात पत्र-पत्रिका या संस्था कोति ले करे टिप्पणी के छायाप्रति, अऊ आन सुसंगत दस्तावेज जे जरूरी होवय प्रस्तुत करना होही। शासकीय, अर्द्धशासकीय संस्था अउ शासकीय सेवक ये सम्मान बर पात्र नइ माने जाए। पुरस्कार के प्रविष्टि सम्बन्धित जिला कार्यालय, महिला अउ बाल विकास विभाग ल सीलबन्द लिफाफा म ऊपर "मिनी माता सम्मान "(महिला उत्थान)" वर्ष 2020 लिख के पठोय जाही।