अंजोर.कोण्डागांव,23। जिला पंचायत सभाकक्ष म अध्यक्ष देवचंद मातलाम के अध्यक्षता म सामान्य प्रशासन समिति के बैठक आयोजित करे गे रिहिस। जेमा शिक्षक (पंचायत) संवर्ग के नियमितिकरण के प्रस्ताव म चर्चा करत सीईओ जिला पंचायत डीएन कश्यप ह निर्धारित योग्यता पूरा करइया 137 व्याख्याता (पंचायत) अउ 02 शिक्षक (पंचायत) सहित कुल 139 कर्मचारी के विषय म समिति ल अवगत कराइन। सूची म चर्चा के बाद समिति अनुमोदन के आधार म 139 के नियमितिकरण म सहमति बनिस। येकर अलावा बइठका म परिवीक्षाधीन पंचायत संवर्ग के दो कर्मी मनके सेवा बने नइ रेहे म सेवा समाप्ति के कार्यवाही तको करे गिस। ये मउका म उपाध्यक्ष जिला पंचायत भगवती पटेल, जिला पंचायत सदस्य हेमलाल बघेल, प्रमीला मरकाम, संतोषी नेताम अउ सहायक परियोजना अधिकारी घनश्याम सोरी उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।