रिकवरी बढ़े हावय तभो ले अभी सौ दिन बड़ नाजुक, पूरा सावधानी रखव : कलेक्टर डॉ. सर्वेश्वर नरेंद्र भुरे

अंजोर.दुर्ग,09। कोरोना काल म जनता के सेवा बर जीव होम बुता करइया दुर्ग जिला कलेक्टर श्री भुरे ह जिला के जनता ले अपील करे हावय के कोरोना संक्रमण ले लेके बने साव-चेत राहव। कोनो किसम के लापरवाही झिन करव, अभी लाकडाउन के सेती केस म कमी आये हाबे अऊ रिकवरी बढ़े हावय फेर कोरोना संक्रमण के खतरा कम नइ होए। 

पूरा सजगता बरतव ताकि संक्रमण म प्रभावी नियंत्रण हो सके अउ भविष्य म लाकडाउन के निर्णय नइ करे ल परे। सोशल डिस्टेंसिंग, मास्क अउ सेनेटाइजर के उपयोग करत, हाथ ल तको धोते राहव अउ बिगर कोनो ठोस बुता के घर ने बाहिर झिन निकलव। सर्दी-बुखार, खांसी, गला म खराश जइसन लक्षण दिखे म टेस्ट कराव। अऊ पचास वर्ष ले जादा उमर के लोगन मन अपन विशेष रूप ले धियान राखव, अभिभावक मन तको अपन लइका मनला घर ले बाहिर झिन निकलन देवा। अइवइया सौ दिन कोरोना संक्रमण बर गजब संवेदनशील हावय काबर के ये बीच नवरात्रि, दशहरा, दीपावली, ईद, छठ, क्रिसमस जइसन बड़का तिहार आही।