Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

विश्व दृष्टि दिवस के मउका म अम्बिकापुर म आयोजित होइस जन जागरूकता कार्यक्रम


अंजोर.सरगुजा,09। जिला मुख्यालय के साथ सबो विकासखण्ड मुख्यालय म विश्व दृष्टि दिवस के मउका म कार्यक्रम आयोजित करे गिस। जेमा जनता ल आंखी के सुरक्षा के उपाय अउ उपाचार के संबंध म जानकारी दे गिस। एजेंसी ले मिले आरो के मुताबिक जिला अंधत्व नियंत्रण कार्यक्रम म एसो विश्व दृष्टि दिवस दृष्टि म जनजागरूकता कार्यक्रम आयोजित करे गे हावय। जेमा सबो विकासखण्ड के नेत्र सहायक मनला जोड़ के ग्रामीण ल नेत्र सुरक्षा के उपाय के बारे म गोठबात करे गिस। 

कार्यक्रम म बताये गिस के छोटे बच्चा म दृष्टिहीनता ले बचाव खातिर नियमित जांच अउ विटामिनयुक्त खाद्य पदार्थ जइसे आमा, पपीता, गाजर, अण्डा, मछली, हरी सब्जी आदि खवाये। दृष्टिदोष होउ म चश्मा लगावे। आंखी ल धूल-धूप, धुआं ले बचावे। आतिशबाजी, तीर कमान अउ अन्य नुकीला समान के चोट ले बचावे। येकर अलावा बुजूर्ग मनके तको बेरा-बेरा म आंखी के जांच करते रहना चाहि। जिला अंधत्व नियंत्रण कार्यक्रम म नोडल अधिकारी डॉ. श्रीमती रजत टोप्पो ह शासकीय, अर्द्धशासकीय संस्था, स्वयं सेवी संस्था के प्रतिनिधी, पंच, सरपंच, मितानिन अउ गांव के वरिष्ठ लोगन ले अपील करिन के ओमन जिला म आंखी सुरक्षा खातिर चलत कार्यक्रम म यथासंभव सहयोग करय।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285