शहर म बेवजह, बिगर हेलमेट के घूमइया अउ ट्रैफिक सिग्नल म नियम के पालन नइ करइया मनके खिलाफ होवत हाबे चालानी कार्यवाही

अंजोर.बलौदाबाजार,10। कोरोना के संक्रमण के खतरा ल देखत लोगन ल शासन प्रशासन ह घरे म रहे के सीख देवत हाबे। तभो लेगन मन बिकर कोनो ठोस कारन के निकले बर नइ छोड़त हाबे। अइसन मनके चेत चघाये खातिर जितेंद्र यादव प्रशिक्षु आईपीएस के नेतृत्व म निरीक्षक प्रमोद सिंह प्रभारी यातायात ह बलौदाबाजार शहर म बेवजह, बिना हेलमेट के घूमइया अउ ट्रैफिक सिग्नल म नियम के पालन नइ करइया मनके विरूध्द चालानी कार्यवाही करे जावत हाबे। येकर अलावा सड़क म एति-ओति अउ नो पार्किंग क्षेत्र म पार्क करे चार पहिया वाहन म लॉक लगाके चालानी कार्यवाही तको करे जात हावय।