मशरूम उत्पादन बर राष्ट्रीय पुरस्कार झोकइया सौरभ जंघेल ले मुलाकात करिन कलेक्टनर श्री वर्मा

अंजोर
0

अंजोर.राजनांदगांव,09। छुईखदान विकासखंड के ग्राम जंगलपुर म मशरूम उत्पादन खातिर राष्ट्रीय पुरस्कार झोकइया सौरभ जंघेल ले जिला कलेक्टकर राजनांदगांव टोपेश्वर वर्मा ह सउंहे मुलाकात करिन हावय। ये मउका म सौरभ ह बताइन के जंगलपुर गांव म कमती लागत अउ छोटे जगह म ज्यादा ले ज्यादा मशरूम उत्पादन खातिर विशेष संरचना तइयार करे गे हावय। येमा स्वसहायता समूह के 40 महिला मन तको बुता करत हाबे। संग म गांव अऊ आस-पास के क्षेत्र के 50-60 युवा तको ये बुता म लगे हावय। 

मशरूम के प्रोसेसिंग करके मशरूम सूप अउ मशरूम पॉवडर बनाये जात हावय, जेन गजब औषधीय गुण वाला होथे। येहा डायबिटिज, हाईपरटेंशन जइसन बीमारी ल दूर करथे। आगू ओमन बताइन के मशरूम ले पापड़, बरी अउ अचार तको बनथे। जिला कलेक्टर ह उंकर बुता के गजब बड़ई करिन करत गांव के वर्मी कम्पोस्ट अउ वर्मी उत्पादन के निरीक्षण तको करिन। जेमा 50 वर्मी बेड लगाए हाबे अउ वर्मी कम्पोस्ट बनत हाबे। कृषि विभाग के मदद ले विक्रय तको होवत हाबे। ये मउका म जिला कलेक्टरर श्री वर्मा संग एसडीएम डॉ. दिप्ती वर्मा, जनपद सीईओ प्रकाश चंद तारम, तहसीलदार प्रीतम साहू, तहसीलदार प्रफुल्ल गुप्ता, नायब तहसीलदार सुश्री ममता तिवारी अऊ आन अधिकारी उपस्थित रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !