डाँड़गोइन्हा ठाकुर देवता के दर्शन बर पहुंचिस मंत्री टीएस बाबा, जन मंगल बर करिन प्रार्थना

अंजोर.अंबिकापुर,22। प्रदेश के बड़का मंत्री टीएस सिंहदेव ह अपन कर्मभूमि अम्बिकापुर के उदयपुर के डाँड़गाँव म लोक आस्था के केंद्र डाँड़गोइन्हा ठाकुर देवता के दर्शन करे खातिर पहुंचिन। नवरात्रि के पावन परब म श्री सिंहदेव ह गांव पहुंच के आमजन ले भेट मुलाकात करिन अउ उंकर समस्या ल सुनिन। डाँड़गोइन्हा ठाकुर देवता के देवालय म पहुंच के ओमन विधि-विधान ले पूजा आराधना करत जन मंगल खातिर प्रार्थना तको करिन। अभी के कोरोना राई के बेरा ल देखत ओमन गांववाले मनला बने बने रेहे के सीख तको दिस।