अंजोर.राजनांदगांव,30। जिला कलेक्टर टोपेश्वर वर्मा के अध्यक्षता म आज 'एक युद्ध कोरोना के विरूद्ध’ अभियान खातिर कलेक्टोरेट सभाकक्ष म सामाजिक संगठन मनके बइठका राखे गे रिहिसे। ये मउका म कलेक्टर श्री वर्मा किहिन के जिला म 8 हजार कोरोना पॉजिटिव केस आए हाबे। जेमा नगर निगम क्षेत्र म लगभग 3 हजार माने 50 प्रतिशत कोरोना ले प्रभावित हाबे। ओमन किहिन के भविष्यग म लॉकडाउन के स्थिति झिन बने येकर बर सबला सजग रहे ल परही।
ओमन किहिन के 'एक युद्ध कोरोना के विरूद्ध’ अभियान म 5 अक्टूबर के शहर के 51 वार्ड म शिविर लगाके स्वास्थ्य विभाग के टीम ह सुबह 10 बजे ल शाम 6 बजे तक लगातार लगभग 5 हजार सैम्पल लेही। ये बुता म नगर के समाज के प्रतिनिधि अउ स्वयंसेवी संस्था ल तको आगू आये ल परही। ये मउका म अपर कलेक्टर सीएल मारकण्डेय, जिला पंचायत सीईओ श्रीमती तनुजा सलाम, नगर निगम आयुक्त चंद्रकांत कौशिक, अतिरिक्त पुलिस अधीक्षक श्रीमती सुरेशा चौबे, एसडीएम मुकेश रावटे सहित समाजसेवी, स्वयंसेवी संस्था के प्रतिनिधि उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।