Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

कृषि विश्वविद्यालय के माटी जांच किट ल मिलिस भारत सरकार के पेटेंट : किसान अब अपन खेत के पोषक तत्व के जांच खुद करही


अंजोर.रायपुर,30। इंदिरा गांधी कृषि विश्वविद्यालय के मृदा वैज्ञानिक मन खेत के माटी जांच के कमती लागत वाला किट विकसित करे हावय। जेकर ले किसान मन अपन खेत के तत्व के जांच खुदे कर सकही। एजेंसी के मुताबिक ये किट ल भारत शासन कोति ले पेटेन्ट प्रमाण पत्र प्रदान मिले हावय। येहा इंदिरा गांधी कृषि विश्वविद्यालय अउ छत्तीसगढ़ राज्य बर एक महत्वपूर्ण उपलब्धि आए। 

किट के मदद ले किसान अपन खेत के माटी म उपलब्ध नत्रजन, स्फुर अउ पोटाश जैसे पौधा बर आवश्यक पोषक तत्व के साथ ही ऑर्गेनिक कार्बन, अम्लीयता, क्षारीयता के जांच करत कृषि अउ बागवानी फसल खातिर आवश्यक खाद, उर्वरक के मात्रा के निर्धारण करे सकही। कृषि विश्वविद्यालय कोति ले ये किट के व्यवसायिक उत्पादन जल्द शुरू करे जाही। 

कुलपति डॉ. एस.के. पाटील अउ डॉ. एल.के. श्रीवास्तव, डॉ. वी.एन. मिश्रा, डॉ. आर.ओ. दास के मेहनत ले लगभग ढ़ाई किलो वजनी परीक्षण किट के संग निर्देश पुस्तिका अउ सी.डी. के सहायता ले किसान स्वयं अपन माटी के जांच करे सकही। जानबा होवय के भारत सरकार कोति ले देश भर के किसान मनला उंकर खेत के माटी के जांच के बाद स्वाइल हेल्थ कार्ड दे जाथे, जेमा पोषक तत्व के उल्लेख रिथे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285