मैक्स लाईफ इंश्योरेंस पॉलिसी के नाम ले देश भर म ठगी करइया 3 आरोपी ल यूपी म गिरफ्तार रायपुर पुलिस

अंजोर
0

रायपुर.17। आम जनता ल आनी-बानी के स्कीम के लालच देखाके रकम तो जमा करवा लेथे फेर जबय वापसी के पारी आथे तव कंपनी फरार हो जथे। छत्तीसगढ़ म अइसन कतकोन मामला आगू आए हाबे जेमा आन राज के मनखे मन इहां के स्थानीय बेरोजगार मनला एजेंट बनके रकम वसूले के काम करथे। कई मामला के पर्दाफास करत छत्तीसगढ़ पुलिस ह ठग मनला पकड़े म कामयाब होए हाबे, अभी एजेंसी ले ताजा आरो मिले हाबे के रायपुर पुलिस के टीम ह मैक्स लाईफ इंश्योरेंस पॉलिसी के नाम ले देश भर म अब तक 10 करोड़ रूपिया ले आगर के ठगी कर चुके 03 अंतर्राज्यीय आरोपी मनला लोनी उत्तर प्रदेश ले गिरफ्तार करे हाबे। जेमा गिरफ्तार आरोपी मोहम्मद असलम निवासी न्यू शीलपुर थाना शीलपुर दिल्ली, मोहम्मद इलयास निवासी न्यू शीलपुर थाना शीलपुर दिल्ली, धीरज कुमार निवासी निशांत इन्क्लेव पावी पोस्ता चैकी थाना लोनी गाजियाबाद (उ.प्र.)। तीनों आरोपी के गिरफ्तारी के बाद पुलिस कोति ले आगू के कार्यवाही करे जावत हाबे।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !