धमतरी.अंजोर-19। जिला म कोरोना संक्रमण ले सुरक्षा अउ बचाव ल देखत मंगलवार 22 सितंबर ले धमतरी जिला के सबो नगरीय निकाय के वार्ड ल कंटेनमेंट जोन घोषित करे गे हावय। एजेंसी ले मिले आरो के मुताबिक कलेक्टर ह आज व्यापारी संघ के प्रतिनिधि मंडल ले गोठबात करके सबो ल आरो करे हाबे। कंटेनमेंट जोन म किराना, सब्जी, फल दुकान बंद रइही, लेकिन अत्यावश्यक सेवा संबंधी संस्थान/कार्यालय, अस्पताल, नर्सिंग होम खुलही। गैस एजेंसी अपन निर्धारित अवधि म खुलही अउ मेडिकल, पेट्रोल पम्प चैबीसों घंटा खुल्लाह रइही। दूध बिहनिया 6 ले 10 बजे तक मिलही। दस दिन म लोगन ल कोविड 19 के जागरूकता, सामाजिक दूरी, मास्क पहनना, सेनिटाईजेशन के महत्ता समझाये जाही। ओमन जिला के निवासी मनले अपील करे हावय के बिगर काम के कोनो घर ले बाहिर झिन निकलो, कोनो काम ले बाहिर जाना परही तव मास्क अउ सामाजिक दूरी के पालन करव।
covid news : 22 सितंबर ले धमतरी नगर 10 दिन बर कंटेनमेंट जोन घोषित, मेडिकल, पेट्रोल, गैस अउ दूध मिलही
सितंबर 19, 2020
0
Tags
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।