Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

गौरेला-पेण्ड्रा-मरवाही बर खजाना के मुंह खोलिस भूपेश सरकार, 332 करोड़ 64 लाख रूपिया के 208 विकास कार्य के होही लोकार्पण अउ शिलान्यास


गौरेला-पेण्ड्रा-मरवाही.17। नवगठित जिला गौरेला-पेण्ड्रा-मरवाही ल मुख्यमंत्री भूपेश बघेल ह 332 करोड़ 64 लाख रूपिया के 208 विकास कार्य के सौगात देही। जेमा 84 करोड़ 10 लाख रूपिया के 29 बुता के लोकार्पण अउ 248 करोड़ 78 लाख रूपिया के 179 कार्य के भूमिपूजन शामिल हावय। एजेंसी के मुताबिक मुख्यमंत्री ह रायपुर के अपन निवास कार्यालय ले बिहनिया 11 बजे वीडियो कॉन्फ्रेसिंग ले लोकार्पण अउ शिलान्यास करही, ये कार्यक्रम के अध्यक्षता विधानसभा अध्यक्ष डॉ.चरणदास महंत करही।

गौरेला-पेण्ड्रा-मरवाही जिला के साधू हॉल गौरेला म आयोजित लोकार्पण अउ शिलान्यास समारोह म नव गठित जिला के प्रभारी मंत्री अउ राजस्व मंत्री जयसिंह अग्रवाल, गृह मंत्री ताम्रध्वज साहू, स्वास्थ्य मंत्री  टी.एस. सिंहदेव, कृषि मंत्री रविन्द्र चौबे, वन मंत्री मोहम्मद अकबर, स्कूल शिक्षा मंत्री डॉ. प्रेमसाय सिंह टेकाम, उद्योग मंत्री कवासी लखमा, महिला अउ बाल विकास मंत्री श्रीमती अनिला भेंड़िया, नगरीय प्रशासन मंत्री डॉ. शिवकुमार डहरिया, खाद्य मंत्री अमरजीत भगत, उच्च शिक्षा मंत्री उमेश पटेल, सांसद श्रीमती ज्योत्सना चरणदास महंत अउ जिला पंचायत बिलासपुर के अध्यक्ष अरूण चौहान तको शामिल होही। 

मिले आरो के मुताबिक जिला म 76 करोड़ 81 लाख रुपिया के लागत ले निर्मित रेलवे ओवरब्रिज, कंचनडीह-बारीउमरांव मार्ग सोननदी म 2 करोड़ 12 लाख रूपिया के लागत ले निर्मित उच्च स्तरीय पुल, ग्राम बगरा, बेलगहना गोरखपुर, पूटा, पटेल पारा, पंडरीपानी, जोरा डोंगरी म 45 लाख 15 हजार रूपिया के लागत ले निर्मित आंगनबाड़ी भवन, ग्राम तेंदूमुड़ा, अंधियारखोह, पण्डरीपानी, नवाटोला, करसींवा, नगवाही, लटाकेनीखुर्द, सिलपहरी आदि म 60 लाख रूपिया ले आगर के बने पुलिया अउ पहुच मार्ग ग्राम नगवाही, लटकोनीखुर्द, कोरकोटटोला, सिलपहरी, म 19 लाख 35 हजार रूपिया के लागत ले बने आंगनबाड़ी भवन, ग्राम मेढुका म 6 लाख रूपिया के धान चबुतरा, मरवाही म 5 लाख रूपिया के मुक्तिधाम,  लालपुर म शासकीय उद्यानिकी म 86.68 लाख रूपिया के अहाता, गौरेला म 2 करोड़ रूपिया के जैव विविधता संसाधन पार्क, धरमपानी म 73 लाख रूपिया के वन चेतना केंद्र के पुनर्नवीनीकरण, जिला चिकित्सालय अउ मरवाही सामुदायिक स्वास्थ्य केंद्र म 17 लाख 66 हजार रूपिया के लागत ले एक्स-रे मशीन के स्थापना सहित आन अऊ बुता शामिल हाबे।

ये मउका म 248 करोड़ 78 लाख रूपिया के 179 कार्य के भूमिपूजन होही। जेमा राजाडीह जलाशय निर्माण 12 करोड 22 लाख रूपिया, घघरा उम खुज्जी, गंगांपुर जलाशय अउ चौरसिया जलाशय के नहर म म सीमेंट कांक्रीट लायनिंग कार्य खातिर 18 करोड रूपिया, सोन नदी म तीन पुल निर्माण खातिर 15 करोड़ रूपिया, संयुक्त जिला कार्यालय भवन खातिर 24.94 करोड़ रूपिया, सड़क के चौड़ीकरण अउ मजबूतीकरण के 09 बुता खातिर 143 करोड़ 78 लाख रूपिया, सड़क डामरीकरण के 12 बुता खातिर 8 करोड़ 40 लाख रूपिया, मुख्यमंत्री सुगम सड़क योजना के तहत 20 बुता खातिर एक करोड़ 52 लाख,  04 नवीन विद्युत उपकेन्द्र बस्ती, आमाडांड, अधियाखोह खातिर 10 करोड़ 62 लाख रूपिया, मरवाही, लालपुर, केवंची अउ खोड़री म कन्या छात्रावास खातिर 6 करोड़ 50 लाख रूपिया, ग्राम डोंगरिया म एकलव्य विद्यालय म आवश्यक बुता खातिर 75 लाख रूपिया, ग्राम निमधा, सकोला, कोडगार, लेमरदर्री, अण्डी, पेण्ड्रा, मुरमुर, बरौर, खोडरी, कोरजा, कोटमीकला, नेवसा, पेण्ड्रा, गौरेला, बचरवार, धनौली, बंशीताल, केंवची, पकरिया के विद्यालय म 2 करोड़ 78 लाख 51 हजार रूपिया के कार्य, जनपद पंचायत गौरेला, मरवाही अंतर्गत सारबहरा, कुम्हारी म बैगा अध्ययन केन्द्र, करंमरा-धनौली, करहनिया कछार अउ महोरा म प्राथमिक शाला भवन, खैरझिटी पड़खुरी म माध्यमिक शाला भवन, सहित अन्य कार्य हेतु 88 लाख रूपिया, जनपद पंचायत पेण्ड्रा, गौरेला अंतर्गत बम्हनी, झाबर, कुडकई, घाटबहरा, भाड़ी, पकरिया, खोडरी, बगरा, दौंजरा, डाहीबहरा, लालपुर म गौठान म चैन लिंक अउ फेंसिग कार्य 93 लाख रूपिया, जनपद गौरेला, पेण्ड्रा अउ मरवाही के अंतर्गत बम्हनी, झाबर, घटबहरा, कुडकुई म बोरवेल निर्माण, कछार, मड़वाही, डोंगरिया, पिपरिया, खुरपा, नगवाही, पीमडोल, नाका, रुमगा, उषाढ़, खुरपा म बोर खनन खातिर कुल 14 लाख 40 हजार रूपिया, आमाडोब, आमगांव, अंधियारखेह, बगरा, बनझोरका, बेलपत, डाहीबहरा, दौंजरा, डुगरा, जोगीसार,, करगीखुर्द, खेडरी, कोटमीखुर्द, लमना, पकरिया, पूटा, सधवानी, टीकरखुर्द, उमरखोही, पीमखुटी, कोरजा, ठेंगाडांड, गिरवर, हर्राटोला, पतराकोनी, पड़वनिया, धनौली, गांगपुर, देवरगांव म बोर खनन हेतु 29.58 लाख रूपिया के म गोठान अउ जनपद पंचायत पेण्ड्रा अंतर्गत 50 लाख रूपिया ले आगर के आरसीसी नाली निर्माण कार्य अउ ग्राम सधवानी म 5 लाख का उद्यान निर्माण कार्य शामिल हावय।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285