अंजोर,रायगढ़,27। हाईवे म सुनसान देखके अवइया जवइया मन संग लूटपाट करइया गिरोह ल घटना के पहिलीच दबोचिस रायगढ़ पुलिस। अन्तरराज्यीय लूट गिरोह म 4 आरोपी ओडिशा निवासी संग 1 जांजगीर के आरोपी तको पकड़ म आए हाबे। समाचार एजेंसी के मुताबिक खरसिया हाइवे रोड़ म रात के दू मोटर सायकल म 05 लड़का के संदिग्ध अवस्था म घूमते देखे के आरो मिलिस। पूछताछ म हाइवे म लूटपाट के इरादा ले हथियार धरके घूमे के पै उघरगे। करीब 10-11 दिन पहिली खरसिया हाइवे रोड़ म एक टाटा वाहन के ड्रायवर ल डरा धमका के लेग के 30 हजार रूपिया अउ मोबाइल लूटे रिहिन।
टाटा वाहन के ड्रायवर गणेश कुमार मरावी ले संदिग्ध मनके पहचान तको कराये गिस। गिरफ्तार आरोपी म श्याम सहिस उर्फ श्याम सोना, करन चौहान पिता भोंदू चौहान, वीरू चौहान पिता दामोदर चौहान, विश्वजीत नायक पिता शेखर नायक, निवासी बृजराजनगर जिला झारसुगड़ा ओडिशा संग अमन चौहान पिता सुखचंद चौहान, निवासी शिवरीनारायण खोरसी थाना जांजगीर चाम्पा सामिल हावय। ये कार्यवाही म अतिरिक्त पुलिस अधीक्षक रायगढ़, नगर पुलिस अधीक्षक रायगढ़, थाना प्रभारी कोतवाली, कोतरारोड़, पूंजीपथरा, सायबर सेल, कोतरारोड़ स्टाफ के अहम भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।