छत्तीसगढ़ रंगमंच बर बज्र दुख के बेरा, बड़का रंगकर्मी अजय आठले अउ सत्यजीत भट्टाचार्य हमर बीच नइ रिहिस

अंजोर.रायपुर,27। ये नश्वर दुनिया म एक दिन सबो ल जाना हाबे इही सोच के अब दुख ल साहत हावन, काबर के हमरे बीच के कोनो जाथे तव मन टूट जथे। छत्तीसगढ़ रंगकर्म ले जुरे लोगन बर आज के दिन बने नइ रिहिसे। बिहनिया ले ही दू बड़े रंगकर्मी के मउत के आरो मिलिस। रायगढ़ के अजय आठले अउ जगदलपुर के सत्यजीत भट्टाचार्य जी। दूनो अपन-अपन अंचल के स्थापित नाम रिहिन। अनेक नाटक म अभिनिय, निर्देशन अउ लेखन के साथ रंग के उस्ताद मनके जाये ले रंगजगत दुखी हावय। अउ ये मउका म छत्तीसगढ़ के तमाम रंगकर्मी मन उंकर आत्मा के शांति खातिर प्रार्थना करत परिवार संग संवेदना प्रकट करे हावय।