घर-घर जाके लइका ल खवात हाबे कृमि नाशक गोली : नारायणुपर जिला म 70 हजार ले आगर लइका ल गोली खवाये के लक्ष्य

अंजोर.नारायणपुर, 24। प्रदेश सहित नारायणपुर जिला म 23 सितम्बर ले राष्ट्रीय कृमि-मुक्ति दिवस कार्यक्रम के आयोजन करे जावत हाबे। जेमा आंगनबाडी कार्यकर्ता मन घर-घर जाके एक ले 19 वर्ष तक के बच्चा ल कृमिनाशक दवा (एल्बेंडाजोल) खवावत हाबे। आंगनबाडी कार्यकर्ता मन कोति ले कोरोना वायरस ले बचाव, कुपोषण ले संबंधित जानकारी के साथ-साथ पोषण वाटिका निर्माण, टीकाकरण अऊ आन जानकारी तको दे जावत हाबे। ये कार्यक्रम 30 सितम्बर तक चलही। 

कृमि मुक्ति दिवस कार्यक्रम के तहत ये साल जिला के कुल 70638 लइका मनला कृमि नाशक गोली खवाये के लक्ष्य राखे गे हावय। कृमि मुक्ति खातिर एक ले दू साल के लइका ल एल्बेण्डाजॉल के आधा गोली अउ 3 ले 19 साल के ल पूरा एक गोली दे जाही। कोविड-19 संकमण के व्यापकता ल देखत स्कूल, कई आंगनबाड़ी केंद्र, आन शैक्षणिक संस्थान के संचालन नइ होवत हाबे अइसन म राष्ट्रीय कृमि मुक्ति कार्यक्रम के क्रियान्वयन स्वास्थ्य विभाग अउ महिला बाल विकास विभाग कोति ले सामुदायिक स्तर म करे जावत हाबे।