अंजोर.रायपुर,24। आई.पी.एल. क्रिकेट मैच सुरू होते ही सटोरिया मनके तको धंधा सुरू होगे। वहूं म नवा तरीका ले चलत हाबे, ऑनलाइन दांव अउ भुगतान। एजेंसी ले मिले आरो के मुताबिक रायपुर पुलिस के साइबर सेल अउ थाना के टीम ह हाईटेक तरीके ले सट्टा खेलावत 2 अलग-अलग प्रकरण म कुल 07 आरोपी ल गिरफ्तार करे हाबे। आरोपी मनले नगदी 22,000 रूपिया संग म लैपटाप, मोबाईल फोन अउ करोड़ों के सट्टा पट्टी जप्त करके कार्यवाही करे गिस। आरोपी मन मुम्बई अउ कलकत्ता के बीच हावत मुकाबला म लगवात रिहिन ऑनलाइन सट्टा। गिरफ्तार आरोपी म रितेश गोविंदानी, जितेश प्रेमचंदनी, जगजीत सिंह, गौरव सबरवाल, छोटे देवांगन, महेंद्र देवांगन, मोहम्मद रईस निवासी जांजगीर चंlपा, बिलासपुर अउ रायपुर के खिलाफ जुआ एक्ट के तहत कार्यवाही होए हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।