Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

Mahasamund News : बिहारी गांजा तस्कर ल करोड़ों के गांजा संग धरिस महासमुंद पुलिस, 34 बोरी ल खाली केरेट म लुकाये रिहिस आरोपी


महासमुंद.11। महासमुंद पुलिस ह गांजा तस्कर मन उपर अब तक के सबसे बड़का सफलता पाये हाबे। पुलिस अधीक्षक प्रफुल्ल कुमार ठाकुर कोति ले जिला के सबो थाना, चौकी प्रभारी मनला अवैध गांजा परिवहन अउ अवैध शराब तस्करी म कार्यवाही करे के निर्देश दे गे रिहिसे। जेमा कार्यवाही करत थाना कोमाखान कोति ले चेकिंग करत बखत ओड़िशा डहर ले आवत गाड़ी ल ग्राम टेमरी फारेस्ट नाका म रोके गिस। गाड़ी के तलाशी करे म पुलिस ल 34 बोरी म भरये अउ 183 पैकेट के झिल्ली म लपटाये अवैध मादक पदार्थ गांजा मिलिस। 

गाड़ी म पकड़ाये दूनो आरोपी बिहार के लहइया आए, 01. मोहम्मद कलुट मनसुली पिता मो सुल्तान मनसुली निवासी बी.बी. गंज चकिया थाना मोफासिल आम तहसील मोफासिल जिला आरा भोजपुर बिहार, 2. महेश कुमार पासवान पिता कृष्णा पासवान सा. चितकुडी चकिया थाना आम मोफासिल जिला आरा भोजपुर बिहार के आए। 

ये बड़का कार्यवाही पुलिस अधीक्षक प्रफुल्ल कुमार ठाकुर के मार्गदर्शन में अति. पुलिस अधीक्षक श्रीमती मेघा टेम्भुरकर साहू अउ अनु. अधिकारी (पु) सुश्री लितेश सिंह के निर्देशन म थाना प्रभारी कोमाखान निरी. प्रदीप मिंज सउनि कौशल साहू, प्र. आर. नरेन्द्र साहू आर. डेविड चंद्राकर संतोष सावंरा, मनोज कोसरिया, विकास साहू, रामकुमार के जबर भूमिका रिहिसे।   
 
आरोपी मनला ल मउका म गिरफ्तार करके पूछताछ करे म अवैध गांजा ल ओड़िशा ले बिहार लेगना बताये हाबे। आरोपी मनके कब्जा ले कुल 09 क्विंटल 13 किलो ग्राम अवैध मादक पदार्थ गांजा कीमती 1,82,60,000 रूपिया जप्त करके उंकर विरूद्ध थाना कोमाखान म धारा 20(ख) नारकोटिक्स एक्ट के तहत आगू के कार्यवाही करे जावत हाबे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285