माई दंतेश्वरी हवाई अड्डा जगदलपुर ले हैदराबाद अउ रायपुर खातिर नवा उड़ान सेवा शुरू

अंजोर.जगदलपुर,21। प्राकृतिक सौंदर्य अउ भरपूर वन संपदा के खान बस्तर के गौरव गान म आज एक अऊ इतिहास जुड़त हाबे, हवाई सेवा के रूप म। मुख्यमंत्री भूपेश बघेल आज वीडियो कॉन्फ्रेंसिंग के माध्यम ले आरसीएस स्कीम के तहत जगदलपुर ले हैदराबाद अउ रायपुर खातिर नवा उड़ान सेवा के शुभारंभ करही। ये मउका म मुख्यमंत्री श्री बघेल ह वीडियो कॉन्फ्रेंसिंग ले यात्री मन संग गोठबात तको करही। राज्य शासन अउ जिला प्रशासन के विशेष पहल म शुरू होवइया हवाई सेवा ल लेके बस्तरवासी मन म तको उत्साह हावय।